Others

முகம் வறண்டு இருக்கா உங்க முகத்துக்கு இந்த ஒண்ணு மட்டும் யூஸ் பண்ணுங்க! சூப்பரா இருப்பீங்க!

சருமம் வறட்சியாக இருந்தால் எல்லோருக்கும் மென்மையாக மிருதுவாக மாற்றிவிட ஆசையாகத்தான் இருக்கும். இது செய்ய முடியாததல்ல, கொஞ்சம் மெனக்கெட்டால் எளிதாக சருமத்தை மிருதுவாக மாற்றிவிட முடியும்.

வறட்சியான சருமத்துக்கு பராமரிப்பு செய்யும் போது முதலில் வறட்சிக்கான காரணத்தை அறிந்துகொள்வது அவசியம். குறிப்பாக சருமத்தின் வறட்சி தொடங்கும் போதே உரிய பராமரிப்பு செய்தால் வறட்சியை எளிதாக வேகமாக போக்கிவிடலாம். மிருதுவான சருமத்தையும் பெற்றுவிடலாம். அப்படி வறட்சியான சருமத்தை கொண்டிருப்பவர்களுக்கு சிறப்பாக கைகொடுப்பதில் முதன்மையானதாக ப்ளூபெர்ரி இருக்கிறது. இந்த புளூபெர்ரியை கொண்டு எப்படி வறட்சியை போக்குவது என்று பார்க்கலாம்.

ப்ளூபெர்ரி

ப்ளூபெர்ரியில் சால்சிலைட்ஸ் என்னும் உப்பு கொண்டிருக்கிறது. இவை முகப்பருவுக்கான தயாரிப்பு பொருள்களில் சேர்க்கப்படுகிறது. ப்ளூபெர்ரியில் சருமத்துக்கு எதிராக செயல்படும் பாக்டீரியாவுக்கு எதிராக செயல்படுகிறது. வைட்டமின் சி நிறைந்திருப்பதால் சருமத்தில் திசுக்களின் ஆரோக்கியம் காக்கப்படுகிறது.

 

வறண்ட சருமத்துக்கு காரணம் என்னன்னு தெரிஞ்சா அதிகரிக்க விடமாட்டீங்க?

 

சருமத்தை இறுக்கமாக வைக்க இவை பெரிதும் உதவுகிறது. சருமத்துக்கு அதிலும் வறண்ட சருமத்துக்கு இயற்கையான பொருளை பயன்படுத்த விரும்பினால் நீங்கள் ப்ளூபெர்ரியை தேர்வு செய்வதன் மூலம் வறட்சியை போக்கலாம். என்ன செய்யலாம் என்று பார்க்கலாம்.

​வறண்ட சருமத்துக்கான ஃபேஸ் மாஸ்க்

வறட்சியான சருமத்தை கொண்டிருப்பவர்கள் சருமத்தை மென்மையாக மாற்ற செய்ய வேண்டிய ப்ளூபெர்ரி ஃபேஸ் மாஸ்க் குறித்து பார்க்கலாம்.

தேவை

ப்ளூபெர்ரி - தேவையான அளவு

‘கெட்டித்தயிர் - கால் கப்,

ப்ளூபெர்ரியை தேவையான அளவு எடுத்து இலேசாக நீர் விட்டு ஆவியில் வேக வைக்கவும். பாதி வெந்ததும் அதை எடுத்து மிக்ஸியில் மசிக்க வேண்டும். பிறகு அதனுடன் கெட்டித்தயிர் சேர்த்து மீண்டும் ஒரு சுற்று சுற்றி மசித்து பேக் போல் செய்யவும்.

 

அதை முகம் மற்றும் கழுத்துப் பகுதியில் தளர பூசி இலேசாக மசாஜ் செய்ய வேண்டும். பிறகு 30 நிமிடங்கள் வரை ஊறவைத்து பிறகு வெதுவெதுப்பான நீரில் கழுவி கொள்ளுங்கள்.

வறட்சி அதிகமாக இருந்தால் வாரத்துக்கு இரண்டு நாள் வரை இதை செய்யலாம். தொடர்ந்து செய்துவந்தாலே முகத்தில் வறட்சி இல்லாமல் பார்த்துகொள்ளலாம்.

​வறட்சியோடு முகப்பருக்களும் இருந்தால்

முகப்பருவுக்கான சிகிச்சை

ப்ளூபெர்ரி - தேவைக்கேற்ப

எலுமிச்சை - கால் டீஸ்பூன்

மஞ்சள் தூள் - 2 சிட்டிகை

வைட்டமின் இ ஆயில் மாத்திரை - 1

 

பெர்ரியை மசித்து அரைத்து அதில் எலுமிச்சை சாறு, மஞ்சள் தூள், வைட்டமின் இ ஆயில் சேர்த்து நன்றாக கலந்து முகம் முழுக்க தடவலாம். குறிப்பாக முகப்பரு இருக்கும் இடங்களில் தடவ வேண்டும். பிறகு 30 நிமிடங்கள் கழித்து வெதுவெதுப்பான நீரில் முகத்தை கழுவி வர வேண்டும். முகப்பருக்களின் தீவிரம் குறையும் வரை அடிக்கடி இதை செய்து வர வேண்டும். பிறகு படிப்படியாக குறைத்து கொள்ளலாம்.

 

ப்ளூபெர்ரி வறட்சியான சருமத்துக்கு மட்டுமே வா என்று கேட்கலாம். இல்லை இதை எண்ணெய்பசை சருமத்துக்கும் பயன்படுத்தலாம். உரிய பொருள்களின் சேர்க்கையோடு இது குறித்து தனியாக பார்க்கலாம்.

 


பாணந்துறை துப்பாக்கிப் பிரயோகம்! சந்தேக நபர் ஒருவர் கைது.............!

+2 வரை வாங்கனுமே..............!