Others

வீட்ல கொத்துமல்லி கட்டு இருக்கா, இது போதுமே ரதி மாதிரி ஜொலிக்க!

உணவு பொருள்களில் சுவை கூட்டவும், அலங்கரிக்கவும் பயன்படுத்தப்படும் கொத்துமல்லி இழைகள் முகத்தின் சருமத்தையும் அலங்கரிக்க பயன்படுத்தப்படுகிறது என்பது தெரியுமா? இதன் விதைகளிலிருந்து தனியாவிலிருந்து தயாரிக்கப்படும் எண்ணெய்கள் வாசனை திரவியங்களில் பயன்படுத்தப்படும் முக்கிய பொருளாகவே இருக்கிறது.

உங்கள் முகம் சோர்வாக இருப்பதாக உணர்ந்தால் கொத்துமல்லித்தழைகளை கொண்டு உடனடியாக சருமத்தை குளிர்ச்சியாக்கி கொள்ளலாம். கொத்துமல்லியில் ஃபோலெட், ஆக்ஸிஜனேற்றிகள், வைட்டமின் சி, பீட்டா கரோட்டின் போன்றவை இருப்பதால் இவை செல்களை பாதுகாக்கிறது.
சருமத்தை மிருதுவாகவும், மென்மையாகவும் வைத்திருக்கவும் உதவுகிறது. இவை உடலில் ஃப்ரீ ரேடிக்கல்களின் இயக்கத்தை தடுப்பதால் விரைவில் வயதான தோற்றம் உருவாவதை தடுக்கிறது.
அன்றாடம் பயன்படுத்தும் கொத்துமல்லித் தழையை அவ்வபோது சருமத்துக்கும் பயன்படுத்துவது எப்படி என்பதை தெரிந்துகொள்வோம்.

​கருமையான உதடுகளும் கலரான பற்களும் - கொத்துமல்லி அழகு குறிப்பு

உதடுகள் அன்றாடம் பளபளக்கும் லிப்ஸ்டிக் பயன்பாட்டினால் விரைவில் கருமை அடையக்கூடும். குறிப்பாக லிப்ஸ்டிக் பயன்பாட்டுக்கு பிறகு உதட்டுக்கு போதுமான பராமரிப்பு இல்லையென்றாலே இந்த பிரச்சனை வரக்கூடும். உதட்டின் கருமையை போக்கவும், நச்சை அகற்றவும் கிருமி நாசினியாக கொத்துமல்லி செயல்படுகிறது. கூடுதலாக பற்களின் கறைகளை போக்கி பளிச்சென்று வைக்கவும் உதவுகிறது.

 

அவகேடோ தரும் அற்புத அழகு,எந்த சருமத்துக்கு எப்படி எதோட பயன்படுத்தணும்?

 

தினமும் காலையில் கொத்துமல்லி தழைகளை பற்களில் படும்படியாக மென்று சாறை விழுங்கினால் பற்கள் பளிச் ஆகும். அதோடு கொத்துமல்லித்தழையை அரைத்து அதன் விழுதை அல்லது சாறை உதட்டின் மீது தடவி வந்தால் உதட்டின் கருமை மாயமாய் மறையும்.

​முகத்தில் சுருக்கமா - கொத்துமல்லி அழகு குறிப்பு

முகத்தில் சுருக்கம் என்பது வயது பேதமில்லாமல் இளவயதிலேயே வந்துவிடுகிறது. சுருக்கம் இருந்தால் ஃப்ரெஷ்ஷான கொத்துமல்லித்தழையை ஒரு பிடி எடுத்து மண் போக அலசி சுத்தம் செய்யவும். கொத்துமல்லித்தழையை எடுத்து அதனுடன் கற்றாழைச்சாறை ஜெல்லை எடுத்து கலந்து இரண்டையும் மைய அரைத்து கலக்கவும்.

 

அதிக நீர்ப்பதமாக இருக்க வேண்டாம். சற்றே இறுக்கமாக பேஸ்ட் போல் அரைத்து முகத்தில் தடவ வேண்டும். அவை உலரும் வரை விட்டு 30 முதல் 40 நிமிடங்கள் வரை கழித்து வெதுவெதுப்பான நீரில் முகத்தை கழுவினால் முகத்தில் சுருக்கம் வருவதை தடுக்க முடியும். 30 வயதுக்கு பிறகு அனைவருமே இதை வாரம் இருமுறை பயன்படுத்த வேண்டும்.

​பருக்களால் கரும்புள்ளிகள் தழும்புகள் போக - கொத்துமல்லி அழகு குறிப்பு

முகத்தில் வரும் பருக்களால் கரும்புள்ளிகள், பருக்கள் வந்த அடையாளங்கள் உருவாகக்கூடும். இந்த தழும்புகளை போக்க சிறப்பாக உதவுகிறது கொத்துமல்லி பேக்.

 

கொத்துமல்லியை அரைத்து அதில் எலுமிச்சை சாறு சேர்த்து முகத்தில் பருக்கள் வந்த இடங்களில் இலேசாக மசாஜ் செய்வது போன்று தேய்த்து வந்தால் அவை மறையக்கூடும். தினமும் இதை தடவி வந்தாலே கரும்புள்ளிகள் மறையக்கூடும். இந்த விழுதுடன் அரிசி மாவு கலந்து பேஸ்ட் போல் குழைத்து மங்கு இருக்கும் பகுதியில் தடவி வந்தால் மங்கு உதிரக்கூடும்.. முகத்தில் இருக்கும் துளைகள் மறையக்கூடும்.

​முகம் பளிச்சென்று இருக்க - கொத்துமல்லி அழகு குறிப்பு

முகத்தில் மாசு மருவில்லாமல் இருக்க மாதம் ஒருமுறை ஃபேஸ் பேக் போடுபவர்கள் இனி கொத்துமல்லி பேக் ட்ரை செய்யலாம். கொத்துமல்லி இலையில் காய்ச்சாத பசும்பால் விட்டு பேஸ்ட் போல் அரைத்து முகத்துக்கு பயன்படுத்தினால் முகத்தில் இருக்கும் அழுக்குகள் நீங்கும். முகம் உடனடியாக பளிச் என்று இருக்கும். முகத்தின் நிறம் மங்கலாக இருந்தால் அவை நீங்கும்.

 

நரை முதல் வழுக்கை வரையான தீர்வுக்கு ஆயுர்வேதம் தரும் சிறந்த தீர்வு நீலிபிருங்காதி தைலம்!

 

மாதம் இருமுறை பயன்படுத்தினாலும் நன்மையே. அழகை அள்ளிகொடுக்கும் கொத்துமல்லியை இனியாவது பயன்படுத்தலாமே!


ஜமுனா ஏரியும்! பாதாள தொடர்பும்!

இந்தியாவில் கொரோனா பாதிப்பு நிலவரம்