Others

தொங்கும் கன்னமும் வயதான தோற்றமும் இருக்கேனு கவலையா? முட்டையை இப்படி யூஸ் பண்ணுங்க சரியாயிடும்...

இந்த முட்டை பேஸ்பேக்கை பயன்படுத்தால் என்ன என்ன நன்மைகள் கிடைக்கும், இதை எப்படி பயன்படுத்த வேண்டும். இதை பயன்படுத்துவதால் அறிவியல் ரீதியாக ஏற்படும் மாற்றங்கள் என்ன? உள்ளிட்ட பல தெளிவான விபரங்களை இங்கே நாம் காணலாம் வாருங்கள். வயதை தொலைக்க வேண்டும் என்பது நாம் அனைவருக்கும் உள்ள ஆசையே ஆகும். இந்த ஆசையை, நாம் வீட்டில் உள்ள இந்த பொருளின் மூலமே அடையலாம். முட்டைகளில் செய்யப்பட்ட பேஸ்பேக்கை அணியும்போது, அது பளபளப்பான சருமத்தை அளிக்கிறது. முகப்பருக்களை அழிக்கிறது.வயது மூப்பின் காரணமாக ஏற்படும் இடர்பாடுகளை நீக்குகிறது.

​ஊட்டச்சத்துக்கள்

முட்டை, புரதம் அபரிமிதமான அளவில் உள்ள உணவு ஆகும். இந்த உணவால், நமது உடலுக்கு பல்வேறு நன்மைகள் கிடைப்பதோடு,உடலின் வலிமைக்கு உதவுவது மட்டுமல்லாது, தோல் பராமரிப்பிற்கும் பயன்படுகிறது என்றால் அதை நம்ப முடிகிறதா? முட்டைகளில்,அதிகளவில் வைட்டமின்கள் மற்றும் மினரல்கள் உள்ள நிலையில், செலீனியம், கால்சியம், மெக்னீசியம், பொட்டாசியம் மற்றும் பாஸ்பரஸ் உள்ளிட்டவைகளும் அதிகளவில் உள்ளது.

​நன்மைகள்

முட்டையின் கருவில் லெசிதின் குறிப்பிட்ட அளவில் உள்ளது. இது ஹைட்ரேசனை துரிதப்படுத்துவதோடு மட்டுமல்லாது, சருமம் மிருதுவாகவும்,மென்மையாகவும் இருக்க உதவுகிறது. தோலின் சுகாதாரத்தை பேணிக்காப்பதில், முட்டையின் வெள்ளை திரவப்பகுதி பெரும்பங்கு வகிக்கிறது. இது தோலுக்கு தீங்கு விளைவிக்கும் பிரச்சினைகளிலிருந்து தீர்வு அளிப்பதோடு மட்டுமல்லாது, முகத்தோற்றம் சீராக இருக்க உதவுகிறது.

முட்டைகளில் உள்ள லுடீன், சருமத்தை ஹைட்ரேட் செய்வதோடு மட்டுமல்லாது, தோலின் நெகிழ்வுத்தன்மையை அதிகரிக்கிறது. முகத்தில் உள்ள திசுக்களில் ஏற்பட்டுள்ள குறைபாடுகளைச் சரிசெய்ய, முட்டையில் உள்ள பரதம் உதவுகிறது. முட்டையினால் ஆன முக கவசங்களை அணிவதன் மூலம் நாம் பல்வேறு நற்பலன்களை பெற முடியும். அவை ஒவ்வொன்றாக விரிவாக பின்வருமாறு தரப்பட்டுள்ளன.

​டோனிங் மற்றும் முகப்பருவை தீர்க்கவல்லது

முட்டையின் வெள்ளைக்கரு, சருமத்தில் உள்ள அழுக்குகள், அதிகப்படியான எண்ணெய் மற்றும் இறந்த செல்களை அகற்ற பயன்படுகிறது. முகத்தில் ஏற்படும் பருக்கள் மற்றும் கட்டிகளின் வளர்ச்சியை முட்டையில் உள்ள புரதம் தடுக்கிறது. இந்த முட்டையின் வெள்ளைக்கருவில் உள்ள லைசோசைம் என்சைம், பருக்களை உண்டாக்கும் பாக்டீரியாவை கட்டுப்படுத்துகிறது.

டோனிங்

லைசோசைம் என்சைமிற்கு, பருக்களை உண்டாக்கும் கிராம் பாசிட்டிவ் வகை பாக்டீரியாக்களின் உடற்சுவரை சிதைக்கும் திறன் உள்ளது. அதன்மூலம், கறைகள் ஏற்படுவதும் தடுக்கப்படுகிறது. முட்டையினால் ஆன பேஸ்பேக்கை பயன்படுத்துவதன் மூலம், சருமத்தில் உள்ள அதிகப்படியான எண்ணெய் உறிஞ்சப்படுகிறது. துளைகள் அடைபடுவதற்கான வாய்ப்புகள் குறைகின்றன. முகத்திற்கு புத்துணர்வு அளிக்கிறது.

​சருமத்திற்கு நீரேற்றத்துக்கு முட்டை

முட்டையினால் ஆன பேஸ்பேக், அதில் உள்ள புரதங்கள், ஹியூமெக்டெண்ட்களாக செயல்படுவதால், அது தோலுக்கு நீரேற்றத்தை அதிகரிக்கிறது. ஹியூமெக்டெண்ட் என்பது, ஹைக்ரோஸ்கோபிக் பொருள் ஆகும். இது தோலில் உள்ள நீர் ஆவி ஆவதை தடுக்கிறது. இதன் காரணமாக, சருமத்தில் எப்போதும் நீரேற்றம் இருந்துகொண்டே இருக்கும். முட்டைகளில் உள்ள லுடீன் மற்றும் ஆன்டி ஆக்சிடெண்ட்கள் அதிகளவில் இருப்பதால், அவை ஆக்சிஜனேற்ற அழுத்தத்தை குறைத்து நீரேற்றத்தை அதிகப்படுத்துகின்றன.

​எண்ணெய் பசை நீங்க

முட்டை பேஸ்பேக்கை பயன்படுத்துவதால், முகம் பிரகாசமாக தெரிகிறது. இதற்கு காரணம், இந்த வகை முக கவசமானது, எண்ணெய் சருமங்களில் உள்ள பெரிய தோல் துளைகளை மூடிவிடுகின்றன. சுருக்கங்களை குறைக்கிறது உள்ளிட்ட காரணங்களினாலேயே ஆகும். முட்டையின் மஞ்சள் கருவில் அதிகளவில் கொழுப்பு அமிலங்கள் உள்ளதால், அது சருமத்திற்கு ஈரப்பதத்தை அதிகரிக்க உதவுகிறது. முட்டையின் வெள்ளைக்கருவில் உள்ள ஆல்புமின் புரதம், சருமத்தில் உள்ள துளைகளை இறுக்குவதோடு, சேகரம் ஆகியுள்ள அதிகப்படியான எண்ணெயை அகற்றுகிறது.

வயது முதிர்வினால் ஏற்படும் இன்னல்கள்

முட்டையினால் ஆன பேஸ்பேக்கை பயன்படுத்துவதால், தோலில் உள்ள ஈரப்பதத்தை பேணிக்காத்து, வயது முதிர்வினால் ஏற்படும் இடர்பாடுகளை குறைக்க உதவுகிறது. சருமத்தில் ஏற்படும் சுருக்கங்கள், கோடுகள் உள்ளிட்டவைகளை, நீரேற்றத்தின் மூலம் குறைக்கிறது.

முட்டைகளில் உள்ள ஒமேகா 3 கொழுப்பு அமிலங்கள், செலீனியம், பயோடின் மற்றும் துத்தநாகம் உள்ளிட்டவை, உடலில் உள்ள செல்களில் கொழுப்பு உற்பத்தியை துரிதப்படுத்துகின்றன. செல்களில் இத்தகைய மாற்றங்கள் நிகழ்வதன் மூலம், செல்களில் சேதமடைந்த பகுதிகள் சீராகின்றன.

முட்டையின் வெள்ளைக் கருவில் உள்ள புரதங்கள் மற்றும் கொல்லாஜன் ஹார்மோன், வீக்கங்களை குறைத்து, சுருக்கங்கள் மற்றும் கோடுகள் உருவாவதை தடுக்கின்றன.

முட்டையின் வெள்ளைக்கருவில் உள்ள 18 முக்கியமான அமினோ அமிலங்கள், தோலின் வயதை தடுக்கவும், புறஊதா கதிர்களினால் ஏற்படும் பாதிப்பை தடுக்கவும் உதவுகின்றன.

 


உ.பி.: பலத்த பாதுகாப்புக்கிடையே தலித் சிறுமிகள் உடல் அடக்கம்

புத்தாண்டு காலப்பகுதியில் ஒரு கிலோ அரிசி 97 ரூபா என்ற உத்தரவாத விலைக்கு விற்பனை