Others

முகத்தில் கரும்புள்ளியை முழுமையாக போக்கும் இயற்கை வைத்தியம், உடனே பலன் கிடைக்கும்!

 

சில பெண்களுக்கு முகத்தில் கழுத்துப்பகுதியில் கருப்பு புள்ளிகள், கருப்பு திட்டுகள் படர்ந்திருக்கும். பெரும்பாலும் நேரடியாக வெயில்படும்படி சருமம் படும்போது, ஹார்மோன் சமநிலையில் இல்லாத போது, கர்ப்பக்காலங்களின் போது, சில விதமான குறைபாடுகளுக்கு மாத்திரைகள் எடுக்கும் போது ஒவ்வாமையால் இந்த பிரச்சனை வரக்கூடும்.

சிலருக்கு மரபு ரீதியாகவே இந்த பிரச்சனை வரக்கூடும். இதற்கு வெளியில் சென்று பராமரிப்பு செய்தாலும் கூட அவை எல்லாமே தற்காலிகமானதுதான். நிரந்தரமாக இதைபோக்க இயற்கை முறையே சிறந்தது. அப்படி என்னமாதிரியான பொருள்களை எப்படி எவ்வளவு காலம்வரை பயன்படுத்த வேண்டும் என்று பார்க்கலாம்.

​தேவையான பொருள்கள்

ஃப்ரெஷ்ஷான உருளைக்கிழங்கு -1

பப்பாளிப்பழம் - 1 துண்டு,

கெட்டித்தயிர் - 1 தேக்கரண்டி,

பாசிப்பயறு மாவு - அரை தேக்கரண்டி,

சுத்தமான தேங்காயெண்ணெய் - ஒரு டீஸ்பூன் அளவு,

உருளைக்கிழங்கை தோல் சீவி துருவலாக சீவி கொள்ளவும். அதை அழுத்தி விரல்களால் தேய்த்தாலே சாறு வெளியேவரும். பப்பாளிப்பழத்தில் தோல் விதை நீக்கிய பிறகு அதை கரண்டியால் மசித்து கட்டி தட்டாமல் இதில் சேர்த்து கலக்க வேண்டும்.

முகம் பளிச்சுனு இருக்க க்ரீம் வேண்டாம், உளுந்தை இப்படி பயன்படுத்தினாலே போதும்!

பிறகு பாசிப்பருப்பு மாவும், தயிரும் சேர்த்து கலக்கவும். அதிக இறுக்கமாக இருந்தால் தயிர் கொஞ்சம் கூட சேர்க்கலாம். பிறகு இதில் சுத்தமான தேங்காயெண்ணெய் கலந்து கொள்ளவும். ஐந்து நிமிடங்கள் கலவையை வைக்கவும்.

முகத்தை கழுவி உலரவைத்து இந்த கலவையை முகத்திலும் கழுத்துப்பகுதி வரையிலும் கீழிருந்து மேலாக பேக் போட்டு 20 முதல் 30 நிமிடங்கள் வரை வைத்திருந்து பிறகு வெதுவெதுப்பான நீரில் கழுவ வேண்டும்.

​உருளைக்கிழங்கு

உருளைக்கிழங்கு வைட்டமின் சி, பி 1, பி3, மெக்னீஷியம், பொட்டாசியம், பாஸ்பரஸ் சத்துக்களை கொண்டிருக்கிறது. வெறும் உருளைக்கிழங்கை கொண்டே விதவிதமான ஃபேஸ் மாஸ்க் போட முடியும்.இதை சருமத்துக்கு பயன்படுத்துவதன் மூலம் தெளிவான கரும்புள்ளி இல்லாத பளபளப்பான சருமத்தை பெற முடியும்.

குறிப்பாக கண்களுக்கு கீழ் இருக்கும் கருமை, வீக்கம், முகத்தில் தழும்புகள் போன்ற அடையாளங்களை தடம் இல்லாமல் செய்துவிடும் குணம் கொண்டவை. அதனால் தான் எல்லாவிதமான சரும பிரச்சனைக்கும் உருளைக்கிழங்கு பயன்படுத்தப்படுகிறது. கூடுதலாக இவை வயதாகும் தோற்றத்தையும் தள்ளிப்போட உதவுகிறது.

பப்பாளிப்பழம்

முகத்தில் எண்ணெய்ப்பிசுக்கை நீக்கும் தன்மை கொண்டது பப்பாளி. வைட்டமின் சி நிறைந்த பப்பாளி சருமத்தின் இறந்த செல்களை வெளியேற்றி புதிய செல்களின் வளர்ச்சிக்கு உதவுகிறது. கரும்புள்ளிகளை நீக்க பப்பாளியை சேர்ப்பது மிகவும் அவசியம். இவை சருமத்தின் மூன்று அடுக்குகள் வரை உள்ளே சென்று சருமத்துளைகளில் படியும் அழுக்கு போக உதவுகிறது.கருமை நிறத்தை நீக்க இவை உதவும். முகத்தை பளிச்சென்று வைக்க உதவும் சிறந்த இயற்கை பொருள் இது.

​பாசிப்பயறு மாவு

இதை மொத்தமாகவோ அல்லது தேவைக்கேற்பவோ வீட்டிலும் மிக்ஸியில் பொடியாக்கி கொள்ளலாம். பாசிப்பயறு மாவில் வைட்டமின் பி1 பி6 இரண்டுமே உண்டு. இவை சருமத்துக்கு நிறம் கொடுக்க கூடியவை. இவை தொடர்ந்து பயன்படுத்தினால் சருமத்தின் நிறம் மாறுவதை கவனிக்க முடியும். உங்கள் சருமம் இழந்த நிறத்தை மீட்டெடுக்க உதவும்.

​தயிர்

கெட்டியான தயிர் பயன்படுத்தும் போது உங்கள் சருமம் எண்ணெய்ப்பசையாக இருந்தால் கொழுப்பு நீக்கிய தயிரை பயன்படுத்துங்கள். முகத்தில் பருக்களோ, எண்ணெய்ப்பசையோ அதிகமிருப்பவர்கள் இதை பயன்படுத்தினால் இந்த பிரச்சனையை அதிகரித்துவிடவும் வாய்ப்புண்டு .

அதனால் கொழுப்பு நீக்கி பயன்படுத்துங்கள். வறட்சி சருமமாக இருந்தால் கொழுப்போடு சேர்த்து பயன்படுத்தலாம். தயிரில் இருக்கும் லாக்டிக் அமிலமானது இறந்த செல்களை நீக்கி பளிச் என்று வைக்க உதவும்.

தேங்காயெண்ணெய் சேர்க்கும் போது அவை சூரியனிமிருந்து வரும் புற ஊதாக்கதிர்களின் தாக்கத்திலிருந்து சருமத்தை காக்கிறது.

 

 


நாசாவின் பெர்சவரன்ஸ் ரோவர்: செவ்வாயில் தரையிறங்கியது - இது என்ன செய்யும்?

சா/த பரீட்சைகள்: அவசர நிலைமையில் சுகாதார தரப்பு ஒத்துழைப்பு